Axmed Madoobe & Taliyaha AFRICOM oo qodobo Muhiim ah ka wada hadlay (Sawirro)

Madaxweynaha Jubaland Mudane Axmed Maxamed Islaam, ayaa Kulan la qaatay Taliyaha howlgalka Maraykanka ee Africom Jeneraal Stephen Townsend, oo booqasho ku tagay magaalada Kismaayo.

Stephen Townsend ayaa waxaa safarkiisa Kismaayo ku wehlinayey saraakiil kale oo ka tirsan ciidamada Maraykanka.

Kulanka waxaa lagaga hadlay sidii la iskaga kaashan lahaa la dagaalanka waxaa loogu yeero Argagixisada iyo sidii Maraykanku uu door muuqda uga qaadan lahaa in la wiiqo awoodeeda.

Maraykanka ayaa ciidamadiisa kala baxay Somalia bilowgii sanadkan ka dib amar ka soo baxay Madaxweynihii xilka ka degay Trump inkastoo maamulka cusub ee uu hogaamiye Biden ay dhowaan sheegeen iney dib u eegis ku sameynayaan talaabada ciidamada looga saaray Somalia.

Maraykanka ayaa waxaa hadda Muqdisho ka jooga ku dhowaad 100 askari oo ilaalo ka haya safaarada Maraykanka ee Somalia.

Leave a Reply

%d bloggers like this: